Love really matters

今日有機會睇番上個星期的"同事三分親"，實在很能理解"愛情"這個名詞。

裘俊為了Diana,竟然去放棄一個賢良淑德、願意為佢去煮飯洗衫的富家表妹。真係唔明...! 他寧願每天的捱駡捱打，也願意甘心在心愛的人旁邊，不離不棄，實在佩服。

你可能會用"蠢"、"傻"甚至"白痴"去形容狗俊，又或許你會話這個世界怎會有這些男人連自己尊嚴都唔要，去為一個連自己都唔知點解會等的"她"而放棄整個森林。

男人，如果你係咁想，就證明你還未真正理解愛的定義。愛是需要付出，不求代價；就算要犧牲自我也甘心才是真正的愛。耶穌為男人作了一個好的見證，不計算世人的回應，也不理會我們是否願意接納祂的犧牲，卻已把自己的生命獻上在十字架之上。當然，我地唔係神，唔可以好似耶穌愛世人，只係要求你愛你身邊的一個，點解都唔得?(其實如果話愛一個都咁難，我就真係唔明點解有D人仲可以一腳踏兩船，以為自己係情聖，唉...!)

女人，如果你有以上的想法，那就證明你對愛及男人的信心唔夠。因為我可以百分百肯定這個世界有這些男人，仲要唔只耶穌一個，只不個係你唔敢去相信這個世界會有這些男人，就是在妳旁邊，你都會當無。如果你覺得你已經找到一個，千其唔好好似Diana咁，利用男人對你的愛，不斷的去挑戰這個男人的底線?正所謂物極必反，去得太盡，過咗底線，因為連個男人也未必知道自己的底線係邊度；到時佢頂唔順，並不代表你的勝利，也不代表你對男人的睇法正確，反之只是傷害了一個願意為你犧牲的男人的弱小心靈。

狗俊...唔係...應該係裘俊至真，雖然我唔知你之後的選擇，但係我明白你會認同這段"等"是值得的。

努力呀，我以你為傲。