下午，同QQ出去吃大家樂，好滋味，好開心...
然後，我去到九龍公園去咗睇學界游泳錦標賽，叫做去支持吓Ｄ小師弟。雖然我們只係全場第二，但係見到佢地個School Spirit，就十分開心，起碼一班師弟總算記得我地St. Joesph’s 的團結精神，將Ｄ自以為好勁的人教訓一吓，真開心，好感動。
晚上，本來同個朋友出去吃飯，但係佢公司好忙，佢完全出唔到嚟，唔係幾開心。不過，之後同咗一班以前基石的弟兄姊妹出咗去食飯同飲嘢，幾開心，因為真係無見佢地好耐。
我今日其實有Ｄ唏噓。點解？我都唔係好知。當我在尖東等我朋友的時候，我要去找東西吃。都唔知道係我在多倫多吃得太多，還是我個人真係無主見，我竟然係唔知道食甚麼好。然後我又見到人家一對對咁係尖東海旁，我自己就一個人做海明威的師弟，企住係到拍「青年與海」...
呢個時候，我就係到想，究竟係我真係唔知自己要甚麼，定係我真係好似這個香港之行Ｄ人話我嘅揀擇？唔知呢…我又唔覺我在揀，好似係人地揀我多Ｄ！好似我揀食甚麼一樣，係人都知我食甚麼都可以，咁點解我又揀唔到？我只係想要一Ｄ食咗之後會開心Ｄ的野食，咁都有錯？到最後，揀來揀去，都係揀番一開始就想食嗰間。唉！仲要去到最後都食唔到…！神啊，究竟我要等到幾時先可以揀到我又想要，佢又想揀我嘅呢？
唉…真係百般知味在心頭…！
No comments:
Post a Comment